ට්විටර් තුල පවත්වාගෙන යන ප්‍රභලයන්ගේ ගිනුම් ගණනාවක් ඉලක්ක කර ගනිමින් බිට්කොයින් වංචාවක් මුල් කරගත් හැකර් ප්‍රහාරයක් පසුගිය 15 වන දා එල්ල වුණා. එහිදි සිදු වුණේ එම ගිණුමේ ඇති ලිංක් එක තුලින් එවන බිට්කොයින් වල අගය දෙගුණයක් කර ලබා දෙන බව සඳහන් පණිවිඩයක් පල කිරීමකි. මීට පෙර ට්විටර් ප්‍රධානී ජැක් ඩෝසි ගේ ගිණුමද මෙසේ හැකර් ප්‍රහාරයකට ලක් වූවා.
ලොව ප්‍රසිද්ධ පුද්ගලයන් වන බරැක් ඔබාමා, ජෝයි බයිඩෙන්, බිල් ගේට්ස්, ඊලොන් මස්ක්, ජෙෆ් බෙසොස්, කැනී වෙස්ට් හා මයිකල් බ්ලූම්බර්ග් යන අයගේ ට්විටර් ගිණුම් මෙම ප්‍රහාරයට ලක්වී තිබෙනවා. එසේම ලොව ප්‍රසිද්ධ තාක්ෂණික සමාගම් වන ඇපල් හා ඌබර් ආයතනවල ට්විටර් ගිණුම් හරහා ද මේ පණිවිඩය පලවුණා.
We are aware of a security incident impacting accounts on Twitter. We are investigating and taking steps to fix it. We will update everyone shortly.— Twitter Support (@TwitterSupport) July 15, 2020
මෙය දැනගත් පසු එම පණිවිඩ මකා දැමුවද ඇතැම් ගිණූම් වලින් එම පණිවිඩය නැවත පළ වීමත් සමග ට්විටර් සමාගම විසින් එම ගිණුම් වල ට්විට් දැමීම තාවකාලිකව අවහිර කිරීමට කටයුතු කරනු ලැබුවා. blockchain.com වෙබ් අඩවියට අනුව මෙම පණිවිඩය හරහා ගණුදෙනු 370ක් හරහා හැකර් කරුවන් ඩොලර් 100,000 පමණ මුදලක් උපයාගෙන තිබිණි.
මෙහි ඇති බරපතල කම නම් ඔවුන් තම ට්විටර් ගිණුම් වල ආරක්ෂාව වෙනුවෙන් හොඳ පාස්වර්ඩ් එකක් සමග two-factor authentication සක්‍රිය කර තිබුණද මේ හැකර් කරුවන් ඒ ආරක්ෂක උපක්‍රම තුලින් ද රිංඟා ගොස් තිබීමයි. මේ නිසා ට්විටර් ආරක්ෂාව ගැන යලිත් ප්‍රශ්නාර්ථයක් ඇති විය.
We detected what we believe to be a coordinated social engineering attack by people who successfully targeted some of our employees with access to internal systems and tools.— Twitter Support (@TwitterSupport) July 16, 2020
මේ ගැන පරීක්ෂණයක් පවත්වමින් ට්විටර් සමාගම සඳහන් කලේ තම සමාගමේ අභ්‍යන්තර පද්ධති (internal systems and tools) වලට සම්බන්ධ විය හැකි සමාගමේ සෙවකයන් එක්කෙනෙකු හෝ කීප දෙනෙක් විසින් මෙය සිදු කරන ලද බවට සැක කරන බවයි. ට්විටර් ප්‍රධානියා වන ජැක් ඩෝසි ද මේ පිලිබඳ ට්විටර් පණිවිඩයක් නිකුත් කරමින් ඔහුද තරමක් බැරෑරුම් අවස්ථාවක සිටින බවට කියා තිබෙනවා.
Tough day for us at Twitter. We all feel terrible this happened.— jack (@jack) July 16, 2020
We’re diagnosing and will share everything we can when we have a more complete understanding of exactly what happened.
💙 to our teammates working hard to make this right.