Fortnite ඇපල් ඇප් ස්ටොර් හා ගූගල් ප්ලේ වලින් ඉවතට

                                            Fortnite කියන්නෙ Epic Games සමාගමෙන් ඉදිරිපත් කරපු ජනප්‍රිය ගේම් එකක්. ඒත් මේ ගේම් එක Apple App Store වගේම  Google Play Store වලින් ඉවත් කර දමා තිබෙනවා. ඒ මුදල් ගෙවීම් සිදුකරන ක්‍රමවේදයන් කඩ කිරීමේ හේතුව නිසයි.

                                         Apple හා Google Store වල ඇති ඇප්, ඒවා භාවිත කරන අයගෙන් යම් සේවාවක් හෝ upgrade කිරීමක් සඳහා ගාස්තුවක් අය කරන්නෙ නම් ඒවා සිදුවිය යුත්තේ එම App Store එක හරහායි. එමගින් යම් ගාස්තුවක් ඔවුන් විසින් අයකරගනු ලබනවා (in-app purchases). Epic Games ආයතනය එම ක්‍රමය මගහරිමින් Fortnite ගේම් එකෙහි ගෙවීම් කිරීමට ඔවුන්ගේ ක්‍රමයක් ඇතුලත් කිරීම නිසා මෙලෙස ඉවත් කර දැමුවා. Apple හා Google සමාගම් පවසන්නේ එය සිය App store හි නීති රීතී හා රෙගුලාසි වලට පටහැනි බවත් නැවත එය නිවැරදි කරන තුරු Fortnite App store වලින් ඉවත් කර තබන බවත්ය.

Fortnite is currently unavailable on Google Play. More information will be forthcoming soon.

— Fortnite (@FortniteGame) August 14, 2020

                                           මේ හේතුව නිසා නැවත එය App Store වෙත එක් කරන තුරු  Apple Store හා Google Store තුලින් අලුතෙන් ලබා ගන්නා අයට එය ලබාගැනීමට නොහැකි වනවා. නමුත් දැනටමත් ලබා ගෙන ඇති අයට මේ නිසා බාධා සිදු නොවෙන අතර updates හා අනෙකුත් සේවා සාමාන්‍ය පරිදි ක්‍රියාත්මක වනු ඇති.

                                               කෙසේ වෙතත් Epic Games සමාගම මේ ඉවත් කිරීමට එරෙහිව Apple සමාගමට නඩු පැවරීමට යන බව පැවසෙනවා. ඔවුන් විසින් 1984 දී Apple Macintosh සඳහා නිර්මාණය කරනු ලැබූ දැන්වීමට සමාන වන පරිදි සැකසූ වීඩියෝවක් ද නිකුත් කර තිබෙනවා.